



Buffelsfontein Kersklappers

Maak die feestyd ’n bietjie rowwer met Buffelsfontein Baard-Olie se Rowwe Bliksem Kersklappers!
Vergeet van daardie goedkoop plastiek-speelgoedjies en flou grappies wat gewoonlik op die vloer beland. Hierdie pak van 6 handgemaakte klappers is spesiaal aanmekaargeslaan vir die man met ’n baard, ’n braaitang in die hand, en ’n sin vir humor.
Wat wag binne-in die boks?
Elke klapper is propvol egte Buffelsfontein-gees en bevat ’n verrassing uit ’n wye verskeidenheid rowwe bederfies, soos:
-
Legendariese Buffelsfontein Baard-olie om daardie kersfees-kakebeen sag en netjies te hou.
-
Bosveld Braai-speserye vir die man wat weet hoe om ’n tjoppie reg te hanteer.
-
Kwaai Buffelsfontein-sleutelhouer vir die bakkie se sleutels (of die kluis s'n).
-
Ander unieke klein geskenkies wat enige man se hart vinniger laat klop.
Of jy dit nou langs die Kersfeesborde neersit vir die ooms, neefs en swaers, of dit as ’n kousvuller gebruik – die Rowwe Bliksem-pak waarborg dat niemand hierdie jaar met leë hande (of ’n droë baard) van die tafel af opstaan nie.
Trek die klapper. Vat die dop. Geniet die braai.






